Nivîsandina heqîqetan ji xwe xweş û muhîme. Lê bi rastî jî nivîsandina siyer û heyata pêxember, ewqas şêrîn û dilşadîyeke ku nayê terîfkirin. Lewra meriv gav bi gav, dem bi dem xwe li cem sehabe û pêxember hîs dike, bi zafer û kêfxweşiya Pêxember û sehaban, meriv dilxweş dibe û bi rewşeke xemgîn jî meriv xemgîn dibe. Meriv carna dixwaze ku xwe bide ber tîr û te'deyan daku eshab û pêxember, eziyetê nebînin. Gelek caran meriv xweziya xwe bi sehaban tîne ku meriv jî di wê dewrê de weka wan li dora pêxemberê me kom bûbûna û bûbûna ji hevalên wî. Ev kîtab ji bo xwendekarên mekteba navîn, bi navê Peygamber Sevdası bi Tirkî hatibû hazirkirin. Weqfa Evîndarên Pêxember, ji bo îmtîhana siyerê ya ku li seranserê Tirkiyeyê bi xelata ‘umreyê jî li dar dixe, ji bo vê kategoriya xwendekaran, di sala 2019an de wek kîtaba çavkanî belav kiribû. Bi armanca ku heyata pêxemberê me bi Kurdî jî bê xwendin û fêmkirin, ev kîtab ji aliyê Mamoste Farûq û Mustefa Rêzan ve bi Kurdiyeke sade û zelal hat wergerandin. Mala wan ava be.